e vrteta26/07/2018 09:01

Sistemi kapitalist e pati suksesin e tij në bumin e madh ekonomik që e shkëput njëqind vite para sistemit socialist, pikërisht me parimin e konkurencës së lirë të vlerave e mallrave, bazuar në respektimin e shtetit ligjor. Donald Trump, më shume sesa një politikan, është një biznesmen i fuqishëm me njohuri për ekonominë. Për te janë të pa pranueshme politikat ekonomike tregtare bazuar në trajtime majtiste liberale globaliste. Si një president i ardhur nga biznesi, ai e sheh detyrën e tij në Shtëpinë e bardhë, që të bëjë çmos që SHBA të mos dëmtohet në ekonomine e saj për hir të aleancave politike. E pati bërë SHBA detyrën e saj pas Luftës së dytë botërore që me Planin Marshall, të ndihmonte vendet europiane të shkatëruara nga lufta. Por kjo nuk ka sepse të vazhdojë gjithmonë. Kur këto vende u zhvilluan e niveli i tyre i jetesës ju afrua nivelit të jetesës së qytetarëve amerikanë e bile në ndonjë nga këto vende, ky nivel jetese ja kaloi edhe SHBA, atëhere nuk ka sepse ky vënd i fuqishëm kontinental të vazhdojë të bëjë politika tregtare në dem të qytetarëve të saj, për hir të aleancave politike apo të mendësisë majtiste globaliste. Trump e nisi rishikimin e politikave ekonomike tregtare në fillim me Kinën komuniste. Tashmë është pranuar nga të gjithë ekonomistet se duke përfituar nga kostoja e lirë e punës në Kinën me mbi një miliard banorë, ajo filloi të mbysë gjithë tregun e botës me mallrat e saj relativisht të lira duke dëmtuar raportin e tregjeve me vendet e zhvilluara.e si pasojë edhe falimentimin e bizneseve të prodhimit të mallrave të përdorimit të gjërë. Pasi mbaroi punë me Kinën duke i vënë asaj kushte të mardhënieve tregtare të barabarta, e duke parë se Rusia nuk kishte ndonjë rrezik për ekonominë amerikane për të mbytur tregun e saj, ju kthye marëveshjeve tregtare me Europën, duke ngulmuar që të mos vazhdonte më politika e diferencuar tregtare, por të bëheshin marveshje të reja, me leverdi reciproke. Sa i takon sferës së politikës, duke parë qe Gjermanët, si të majtë e të djathtë, janë rrjeshtuar me opozitën e sotme amerikane dhe e sulmojnë ate se është "mik" i Rusisë. me të drejtë ju kujtoi atyre se duke e lidhur më shumë se 50% të energjisë së tyre që është qarkullimi i gjakut të ekonomisë, në gazin e naftën e Rusisë, pashmangshërisht se do të ndërvaren edhe politikisht nga Rusia. Sa i takon politikës së jashtëme, Trump nuk vazhdoi me dipllomacinë hipokrite hiq e mos e këput me vendet diktatoriale. Siç bëri me aleatin e Rusisë, Asadin, po bën edhe me Iranin, edhe ky një aleat i Putinit. E detyroi edhe diktatorin komunist të Koresë së Veriut, që të zbatojë vendimet e OKB e të heqë dorë nga armatimi bërthamor. Edhe një gjimnazist me formim mesatar e kupton se çarmatimi i plotë bërthamor si një rrezik i tmershëm për njerëzimin, nuk mund të arrihet kurrë nëse këtë arme e posedojnë edhe shtete të vogla të papërgjegjëshme e me regjime diktatoriale.