Parku Zoologjik i Tiranës është ndër të paktët projekte publike në kryeqytet që i ka rezistuar kohës dhe qëllimit për të cilin u ndërtua.

Parku Zoologjik u projektua në vitin 1959 nga Arkitekt N. Radosllavov dhe Inxhineri V. Maçugnaskij dhe u ndërtua në vitet 1960-1961.

Në dokumentin origjinal të publikuar sot nga Drejtoria e Përgjithshme e Arkivave thuhet se ky park u ndërtua për të shërbyer si vend kulturor, edukues dhe shkencor, ku të rriten dhe t'u tregohen vizitorëve kafshë të ndryshme të egra dhe jo vetëm.

Kopshti Zoologjik, i cili është edhe i vetmi Park Zoologjik në vend vijon edhe sot të njëjtin funksion për të cilin u krijua rreth 60 vite më parë.