E kërkonte Barcelona, sulmuesi kolumbian rinovon kontratën me 'Villans'

Aston Villa njoftoi këtë të hënë se ka rinovuar kontratën e Jhon Durán deri në vitin 2030. I afruar te “Villans” në janar 2023 nga Chicago Fire, ndërkombëtari kolumbian ka qenë në qendër të vëmendjes në fillim të sezonit, me gjashtë gola në dhjetë ndeshje, duke përfshirë edhe goditjen e saktë kundër Bayernit, në Ligën e Kampionëve, që i dha fitoren skuadrës nga Biminghami.

Sulmuesi 20-vjeçar, i cili po tërheq vëmendjen jashtë Anglisë, së fundmi kishte lënë të hapur derën për bavarezët.

“Të shënosh një gol kundër këtij klubi të madh është shumë e rëndësishme për mua, është një nga klubet që kam ndjekur për një kohë të gjatë dhe ku do të doja të luaja”, tha ai për CBS Golazo.

Sondazh për kolumbianin ka bërë edhe Barcelona, por me lëvizjen e fundit të drejtuesve të Aston Villas, çmimi i sulmuesit të ri do të jetë ndjeshëm më i lartë.

Aston Villa is delighted to announce that Jhon Durán has signed a new contract with the club!

Aston Villa is delighted to announce that Jhon Durán has signed a new contract with the club!

— Aston Villa (@AVFCOfficial) October 7, 2024