‘Golf-i’ përfundon në trotuar në ‘rrugën e Elbasanit’, shpëtojnë kalimtarët

Një aksident ka ndodhur mëngjesin e sotëm në Tiranë.

Ngjarja ka ndodhur në rrugën e Elbasanit në kryeqytet.

Siç edhe duket në foto, një makinë tip ‘Golf’ ka humbur kontrollin dhe ka hipur mbi trotuar.

Fatmirësisht nuk ka persona të lënduar edhe pse në momentin kur ka ndodhur aksidenti, ka pasur shumë kalimtarë.

Policia ka shkuar në vendin e ngjarjes dhe ka nisur hetimet në lidhje me këtë aksident.