Dumani vret edhe nga qelia/ SPAK u tall me denoncimet e motrave Nikolli

26-vjeçari që mbeti i plagosur nga shpërthimi me eksploziv në një pallat në Elbasan më 15 Korrik, ku shënjestër ishin dy motra, fatkeqësisht ka ndërruar jetë në spital.

Enea Thomaraj (FOTO) ishte në reanimacion prej rreth 3 muajsh por ndërroi jetë për shkak të gjendjes së rënduar shëndetësore.

26-vjeçari ishte komshi me motrat Nikolli në një pallat në Elbasan, dhe mbeti i plagosur aksidentalisht nga shpërthimi i tritolit pasi nuk ka lidhje me ngjarjen.

Sipas hetimeve të policisë 3 muaj më parë, shënjestër e atentatit me tritol në pallat ishin pikërisht motrat Alda dhe Xhovana Nikolli. Pikërisht kjo e fundit ka dalë në media dhe rrjete sociale duke akuzuar Nuredin Dumanin si autorin që fshihet prapa vendosjes së tritolit.

Por ajo tha se pavarësisht se kishte denoncuar në SPAK këtë fakt, Prokuroria e Posaçme ishte tallur duke i thënë se Dumani ka dashur thjesht ta trembë.

Edhe para pak ditësh, motrat Nikolli denoncuan kërcënimet që u bënte Dumani nga qelia.

Ndërsa SYRI TV solli një speciale që tregonte se si Dumani jo vetëm bën një jetë luksoze në qeli, por vazhdon aktivitetin kriminal me bekimin e SPAK.