Liverpooli piketon ‘yllin’ e Dortmundit si pasues të Mo Salah

Sipas gazetës gjermane “Bild”, Liverpooli ka shfaqur interes për Karim Adeyemin (22 vjeç) për të zëvendësuar Mo Salah, kontrata e të cilit përfundon në qershor 2025 dhe nuk është rinovuar ende, duke dhënë indikacione të qarta për lamtumirë.

Kjo gazetë siguron se lojtari është vëzhguar nga skautët e klubit të kuq. Liverpooli do të ishte i gatshëm të paguante 50 milionë euro për Adeyemin për ta shtuar atë në sulmin e “The Reds”.

Sulmuesi, megjithatë, ka ende kontratë deri në vitin 2027 me Dortmundin. Këtë sezon ai ka luajtur në tetë ndeshje në të cilat ka shënuar pesë gola dhe ka dhënë pesë asistime.