I fiksuar pas makinave të shpejtësisë, dhurata e pabesueshme që Ibra i bën vetes
Tani është pothuajse një fiksim i përhershëm. Një dhuratë, një kënaqësi që Zlatan Ibrahimovic i bën vetes çdo vit për ditëlindjen e tij, pra një makinë e re garash me shkëlqim.
Këtë herë, ish-futbollisti, që fryn 43 qirinj, ka vendosur ta kënaqë veten me një supermakinë, një Ferrari SF90 XX Spider, i cili i shtohet “bishave” në garazhin e tij të gjerë dhe të pabesueshëm.
“Gëzuar ditëlindjen Zlatan”, është teksti konciz nën postimin ku drejtuesi i Milanit ndan imazhin e makinës së tij të shndritshme të garave me një ngjyrë të zezë dhe detaje të kuqe.
SF90 XX Spider ka një motor hibrid 1030, një V8 me turbo dyfishtë dhe tre motorë elektrikë. E gjithë kjo përkthehet në performancë mahnitëse: 2.3 sekonda për të shkuar nga 0 në 100 km/h dhe vetëm 6.7 sekonda për të arritur 200 km/h, ndërsa shpejtësia maksimale është 320 km/h.