Shkelje të rregullave të qarkullimit, 22 drejtues mjetesh në pranga
Policia Rrugore e Tiranës arrestoi 22 drejtues mjetesh për shkelje të rregullave të qarkullimit, ndërkohë që janë vendosur rreth 10 mijë masa administrative.
Në një informacion zyrtar, Policia Rrugore e Tiranës ka bërë bilancin javor të punës së saj, ndërsa janë bllokuar edhe 11 automjete, 4 prej të cilave me targa të huaja.
Mbi 60 % të masave administrative të vendosura janë për parkim të gabuar, ndërsa 271 drejtues mjetesh janë gjobitur për përdorimin e celularit.