Pak kohë më parë bënë publike lidhjen, Lana Del Rey martohet me Jeremy Dufresne

Lana Del Rey dhe Jeremy Dufrende janë martuar!

Dyshja shkëmbyen betimet gjatë një ceremonie të vogël para familjes dhe miqve në Luiziana.

Del Rey u pa duke ecur me një fustan të bardhë me babanë e saj Robert Grant.

Dufresne kishte veshur një kostum të errët, jelek dhe këpucë lëkure ngjyrë kafe. Ceremonia u mbajt pranë Bayous des Allemends, ku Dufresne kryen turneun e tij me varkë jashtë New Orleans.

Këngëtarja 39-vjeçare dhe Dufresne, të cilët thuhet se njihen prej vitesh (ata u shfaqën në një foto së bashku në Facebook në vitin 2019), fillimisht u përfolën se ishin në lidhje pasi një video e TikTok i tregonte ata të kapur për dore.

Del Rey mohoi të ishte në një lidhje me Dufresne në pjesën e komenteve të një postimi në Instagram të 31 gushtit. Pavarësisht mohimit, Del Rey u fotografua sërish e kapur për dore me partnerin në Nju Jork më 7 shtator, kur morën pjesë në dasmën e modeles Karen Elson.

Këngëtarja ka qenë e fejuar më parë muzikantin Evan Winicker. Megjithatë, martesa nuk u zhvillua, dhe Del Rey deklaroi se ishte beqare gjatë një interviste me “Harper’s Bazaar” në nëntor të të njëjtit vit.