Trump bën shaka me 'defektin e personalitetit': Nuk i pëlqej ata që nuk u pëlqej
Ish-presidenti Trump të hënën i tha një turme mbështetësish në Pensilvani se "Nuk i pëlqej ata që nuk u pëlqej", duke bërë shaka se ishte një "defekt personaliteti".
Ish-presidenti kritikoi gjatë prezantuesit e emisioneve të netëve të vona, duke sulmuar Jimmy Fallon të NBC-së dhe Jimmy Kimmel të ABC-së, të cilët shpesh tallen me Trump-in.
Më pas ai foli për paraqitjen e tij të fundit në programin e orëve të vona të natës së Greg Gutfeldit në Fox News, dhe tregoi se si ai dhe Gutfeldi nuk kishin shkuar gjithmonë mirë.
"Nuk i pëlqej ata që nuk u pëlqej. Do të jem i sinqertë, kur atyre nuk u pëlqejë, nuk i pëlqej." tha Trump. "Duket kalamallëk, por ja që kështu është. Quajeni një defekt personaliteti."
Trump vazhdoi duke thënë se i pëlqeu koha në emisionin e Gutfeldit, duke theksuar për "kiminë e tyre të madhe".
"Ne e pëlqenim njëri-tjetrin", tha Trump duke qeshur.
Trump u shfaq në emisionin Fox News të Gutfeld javën e kaluar, disa ditë pas atentatit të dytë kundër ish-presidentit në po aq muaj. Të dy bënë shaka për incidentin në emisionin e Gutfeldit./The Hill – Syri.net