Ter Stegen pritet të mungojë tetë muaj, gjest solidariteti nga rivali i Realit

Thibaut Courtois e di mirë se çfarë po kalon Ter Stegen sot. Portieri belg u lëndua para fillimit të sezonit të kaluar dhe nuk mundi të rikthehej në fushë deri në pjesën e fundit të sezonit. Për këtë arsye, madrileni ka dashur të bëjë një gjest solidariteti për kolegun e tij të Barcelonës, të cili i ka dërguar një mesazh përmes rrjeteve sociale pasi mësoi për dëmtimin e tij të rëndë.

"Më vjen keq për dëmtimin, Ter Stegen, më ka lënduar shumë kur të pashë duke u larguar nga fusha kështu. Shpresoj që të shërohesh shpejt dhe të shihemi sërish në fushë", ka shkruar Courtois në rrjetet e tij sociale, mesazh ky i shoqëruar me një foto ku të dy portierët shfaqen duke u përqafuar.

Lëndimi shumë i rëndë i Ter Stegen

Nëse vërtetohen parashikimet, portieri gjerman i Barcelonës do të jetë jashtë fushës për rreth tetë muaj. Ai mund të ketë këputje totale të tendinës në gjurin e tij të djathtë. Një dëmtim i ndodhur kur ai ra pas një kërcimi për të kapur një top në zonë.

Siento la lesión @mterstegen1 , me dolió mucho verte salir así del campo. Espero que puedas recuperarte pronto y volvamos a verte en la portería. pic.twitter.com/4u72LkjnnH

— Thibaut Courtois (@thibautcourtois) September 22, 2024