Teliti: Nuk ka rritje reale pensionesh, qeveria nuk po zbaton ligjin

I ftuar në edicionin informativ të lajme, Këshilltari për çështjet ekonomike në PD, Dorian Teliti për të folur rreth rritjeve qesharake të pensioneve me 4.1% që u njoftua vetëm pak ditë më parë nga qeveria aktuale.

Telititi u shpreh se, nuk ka një rritje reale të pensioneve, indeksimi i kryer po zbatohet pjesërisht nga qeveria.

Ai tha se, edhe shifrat e deklaruara nga INSTAT për rritjen e çmimeve të shportës me 4.1%, ishin jo të vërteta.

Deklarata:

Qeveria e ka deklaruar indeksimin e pensioneve në masën 4.1%, nuk ka një rritje reale të pensioneve, përkundrazi dhe ky indeksim sipas informacioneve që kemi, sipas jetesës sepse edhe ne jemi konsumatorë, e dimë që gjatë këtij viti çmimet janë rritur më tepër se 4.1%.

Pra shifrat e deklaruara nga zyrat qeveritare e INSTAT që shporta e ushqimeve na është rritur me 4.1%, nuk është reale.

Qeveria ka vendosur që edhe ligjin që është i detyruar ta zbatojë pavarsisht se kush është në qeverisje, ta zbatojë atë pjesërisht.

Pra së pari nuk kemi rritje reale të pensioneve, madje dhe indeksimi që po kryhet nga qeveria që ka hyrë në fuqi që në datën 1 tetor edhe ky është i pjesshëm.

Kemi përballë një situatë e cila kemi një lëmoshë qytetare, e cila në qytet përkthehet mesatarisht me 250 lek të vjetra në ditë.