EMRAT/ Atentat dy shqiptarëve në Itali, breshëri plumbash mbi 'Audin', autorët e maskuar i zunë pritë

Dy shqiptarë janë plagosur me armë zjarri në Como të Italisë pasi persona të maskuar i zunë protë dhe i qëlluan me breshëri plumbash.

Sipas medieve italiane, dy shqiptarët po udhëtonin me makinë kur një mjet tjetër u preu rrugën.

Më pas u afrua një motoçiletë dhe dy burra me fytyrë të mbuluar zbritën, i thyen xhamin e përparë të makinës dhe i qëlluan.

Bëhet fjalë për Indrit Lleshaj, 44 vjeç, banues në Paderno Dugnano, dhe Artan Lazar, 42 vjeç, banues në Cormano, të dy të njohur për policinë.

Ata janë qëlluar disa herë me armë zjarri në gjoks dhe në qafë, dhe ndodhen në spital në gjendje të rëndë.

Ngjarja ndodhi mbrëmjen e djeshme, 21 shtator, në Turate, në via Como.

Dy shqiptarët e plagosur udhëtonin me një makinë tip Audi Q5, e cila fillimisht u bllokua nga një makinë tjetër e paidentifikuar. Menjëherë më pas mbërriti një motoçikletë me dy personat të cilët dyshohet se janë dhe autorët e të shtënave. Njëri prej shqiptarëve është në rrezik për jetën.

Policia italiane po kryen hetime për të identifikuar autorët dhe për të zbardhur motivet e mundshme të ngjarjes.