Partizani-Tirana, klubi i kuq publikon çmimet e biletave për derbin

Ditën e shtunë, prej orës 20:00, Partizani dhe Tirana do të përballen për herë të parë këtë sezon në duelin e vlefshëm për javën e 6-të të Superiores, që do të luhet në “Air Albania”.

Klubet kanë nisur sot përgatitjet, por të njëjtën po bëjnë edhe tifozëritë përkatëse që janë gati të dhurojnë spektakël në tribuna.

Të gjithë janë në pritje të nxjerrjes në shitje të biletave dhe klubi i Partizanit, si pritëse, ka dhënë më në fund dritën jeshile.

Biletat pas porte do të kushtojnë 500 lekë, ndërsa ‘karshia’ fillon nga 1000 deri në 1500 lekë. Tribuna VIP është e ndarë me 3000, 4000 deri në 5000 lekë.