FOTO/ Milot Rashica përzgjidhet në formacionin e javës në Turqi

Milot Rashica ka qenë fantastik këtë javë me fanellën e Besiktasit, edhe pse skuadra e tij nuk ka marrë fitore.

Ylli kosovar ka luajtur për 67 minuta në derbin ndaj Trabzonspor që përfundoi në barazim 1-1.

Anësori vushtrrias kishte 59 herë prekje të topit, dha tre pasime kyçe dhe krijoi edhe një rast të madh në këtë sfidë.

Rashica fitoi gjashtë nga nëntë duelet e tij, bëri dy spastrime dhe tre ndërhyrje të sakta në top.

Edhe pse nuk shënoi dhe asistoi, paraqitja e tij u vlerësua lart nga SofaScore, që i ka bërë vend në formacionin e xhiros së pestë në Superigën e Turqisë.

28-vjeçari këtë edicion ende nuk e ka gjetur golin në Superligën e Turqisë, teksa ka dy asistime.