Ukraina njofton lirimin e 49 personave në shkëmbimin e fundit të të burgosurve me Rusinë
Në atë që përfaqëson një dritë të rrallë në sfondin e një lufte rraskapitëse dyvjeçare e gjysmë, presidenti ukrainas, Volodymyr Zelensky, ka njoftuar se Ukraina ka siguruar lirimin e 49 personave të mbajtur rob nga ushtria ruse, në shkëmbimin e fundit të të burgosurve me Moskën.
Marrëveshja u ndërmjetësua nga Emiratet e Bashkuara Arabe, tha një zëdhënës i agjencisë së inteligjencës ushtarake të Ukrainës.
“Një tjetër kthim i popullit tonë, diçka që ne gjithmonë presim dhe punojmë pa u lodhur për ta arritur. Ne duhet të sjellim në shtëpi secilin nga njerëzit tanë, si ushtarakë ashtu edhe civilë”, tha Zelensky duke njoftuar shkëmbimin e 56-të me Rusinë, shkruan skynews.
Siç raporton shefi i tij i shtabit, Andriy Yermak, ukrainasit e liruar përfshinin shtatë civilë së bashku me personelin e forcave të armatosura, gardës kombëtare, policisë dhe shërbimit të rojes kufitare.
Ukraina nuk tha se sa rusë ishin liruar. Ndërsa Moska ende nuk ka komentuar mbi shkëmbimin.
Pamjet e shpërndara nga Ukraina nga një vend i panjohur tregojnë persona duke u përshëndetur me lule e përqafime.
Welcome home!
— Anton Gerashchenko (@Gerashchenko_en) September 13, 2024
Many of those who return today have been in Russian captivity for over two years. https://t.co/0I0Np8TuT5 pic.twitter.com/YHtffXhed6