Tajfuni i frikshëm shkakton kaos, 2 viktima dhe dëme të shumta në provincën kineze
Stuhia më e rëndë aziatike ka përfshirë dje rajonin kinez të Hainan me erëra të dhunshme dhe reshje të rënda që lanë të paktën 2 njerëz të vrarë e plagosën më shumë se 90. Pamje të shumta të postuara në rrjetet sociale tregonin thyerje të dritareve e pemëve nga erërat që arrinin në 234km/ore.
Stuhia besohet se është dyfishuar në fuqi që prej ardhjes nga Filipinet ku kishte lënë disa viktima në fillim të javës. Dhe tajfuni njohur si Jagi u përplas në qytetin Venchang në Hainan duke shkaktuar dëme të shumta e duke lënë dhjetra mijëra pa energji elektrike, shkruan agjencia shtetërore Xinhua.
Zyrtarët shtonin se mijëra anëtarë të grupeve emergjencës kishin dalë për ndihmë në terren dhe deri mëngjesin e sotëm energjia elektrike ishte rikthyer në shumicën e zonave. Disa qindra mijëra njerëz janë urdhëruar të evakuohen nga shtëpitë. Aeroporti kryesor i rajonin pritej të rihapej pasditen e sotme.
240km per hour is incredible
— Enez Özen (@Enezator) September 7, 2024
pic.twitter.com/5RfMmwAgPg