A është i jetueshëm më ky vend?
Nga Ylli Manjani
Kjo është pyetja.
[❗️] Spitalet janë gropë çnjerëzore nga keqmenaxhimi e korrupsioni;
[❗️] Shkollat vatra analfabetizmi;
[❗️] Mjedisi i ndotur në ekstrem me mbetje urbane dhe tashmë edhe toksike;
[❗️] Ekonomia e gjitha nën kontrollin e shumë pak klientëve të pushtetit dhe e ushqyer fiktivisht me para droge;
[❗️] Puna dhe profesioni nuk kanë asnjë kuptim nëse nuk je mik me pushtetin, për pasojë as Liria ska kuptim;
[❗️] Territori praktikisht pronë private e një njeriu të vetëm, i cili e ka për kulla ose për kampe emigrantësh gjithfare, si qokë për foto e mbështetje ndërkombëtare;
[❗️] Shteti si qendër eksperimentale reformash të shpikura dhe që nuk ofron as barazi e as drejtësi;
[❗️] Të drejtën që ke fituar mund të mos e gëzosh sepse ta marrin pa proçes e pa problem;
[❗️] Shoqëria e gjitha me tru të shpëlarë dhe që beson në trutë e gomarit që i hedh bosi në mediat me pagesë, nuk ka sesi të jetë demokratike. Për zgjedhje të lira as që bëhet fjalë;
[❗️] Varfëria e gjithanshme i ka bërë njerëzit të besojnë se fajin e ka gjithmonë viktima, i vdekuri, i sëmuri, i pamunduri;
[❗️] Në vendin me diell dhe pasuri natyrore mungon energjia dhe uji, ose janë aq të shtrenjta sa është njësoj sikur mungon;
[❗️] Jemi shteti i vetëm që më shumë se gjysmën e popullsisë e kemi përzënë dhe, kur ajo vjen në shqipëri e llogarisim si turizëm. Për këtë shkak llogarisim si sukses rritjen e numrit të pasagjerëve në Rinas...
[❗️] Kur na rritet turizmi na ulen të ardhurat dhe na rriten çmimet, pra shpenzimet;
Ka edhe më, por kaq mjafton për të pyetur vërtetë, a jetohet në këtë vend?!
Kam idenë që edhe ai që ka parà këtë pyetje bën...
****
Ah edhe një gjë, shumica dërrmuese e njerëzve besojnë se për të gjitha këto gjëra fajin e ka opozita që s'ka gjë në dorë!!!