Brondby shumë i fortë, fitore tenistike ndaj Llapit

Llapi u mposht 6-0 në takimin e parë të raundit të dytë në Conference League përballë Brondbyt në transfertë. Skuadra dardane e pati tepër të vështirë kundër 11 herë kampionëve të Danimarkës.

Këta të fundit zgjidhën gjithçka në fraksionin e parë të takimit. Duke realizuar katër gola. Japonezi Yuito Suzuki zhbllokoi shifrat pas çerek ore lojë, ndërkohë që vendasit festuan edhe dy herë të tjera në 8 minutat e ardhshme.

Falë realizimeve nga Ohi Omoijuanfo dhe Filip Bundgaard. Pesë minuta përpara fundit të së parës, pati festë edhe për Noah Narteyn. Vikingët shënuan edhe dy herë të tjera në minutat e fundit të takimit. Me anë të Mathias Kvistgaarden dhe Oscar Schwartau.

Rezultat që shuan përfundimisht ëndrrat e ekipit nga Podujeva për kualifikim. Sfida e kthimit do të luhet në datën 1 gusht në Kosovë.