Osmani e Kurti dënojnë atentatin ndaj Trump: Çdo lloj dhune politike kudo është absolutisht e papranueshme
Presidentja e Kosovës, Vjosa Osmani ka reaguar pas atentatit ndaj ish-presidentit amerikan Donlad Trump.
Osmani në “X” ka shkruar se çdo lloj dhune politike kudo është e papranueshme dhe e dënojmë ashpër atë.
“Ne qëndrojmë në solidaritet të plotë me ish-Presidentin Donald Trump, familjen e tij dhe të gjithë amerikanët e prekur nga të shtënat në mitingun e Pensilvanisë.
Çdo lloj dhune politike kudo është absolutisht e papranueshme dhe ne e dënojmë ashpër atë”, ka shkruar Osmani
We stand in full solidarity with former President @realDonaldTrump, his family, and all Americans affected by the shooting at the Pennsylvania rally.
— Vjosa Osmani (@VjosaOsmaniPRKS) July 14, 2024
Any kind of political violence anywhere is absolutely unacceptable and we strongly condemn it.
Edhe kryeministri i vendit Albin Kurti ka reaguar pas atentatit ndaj Donald Trump, ku sipas tij, mosmarrëveshjet politike në një demokraci duhet të shprehen gjithmonë përmes formave paqësore të fjalës dhe protestës.
Kurti tha se bashkohet me liderët e tjerë botërorë në dënimin e këtij ‘atentati të tmerrshëm’.
“Unë bashkohem me liderët e tjerë botërorë në dënimin e atentatit të tmerrshëm kundër ish-presidentit Donald Trump. I uroj shërim të plotë dhe të shpejtë atij dhe të tjerëve të plagosur dhe i dërgoj ngushëllimet e mia të sinqerta familjes së spektatorit të vrarë. Mosmarrëveshjet politike në një demokraci duhet të shprehen gjithmonë përmes formave paqësore të fjalës dhe protestës dhe të zgjidhen me zgjedhje të lira dhe të ndershme. Pa përjashtime” – ka shkruar Kurti në rrjetin social X.