Shkak papastërtia e detit, ndalohet noti në një plazh të Budvës
Për shkak të papastërtisë së detit, noti është i ndaluar në plazhin Slovenska 03 në Budva dhe në plazhin Solili 01 në Tivat. Si pasojë, janë të shënuara me flamur të kuq.
“Të dhënat për analizat e kryera i janë dorëzuar Inspektorit të Ujërave të Republikës, i cili do të marrë masa dhe veprime në juridiksionin e tij në të ardhmen. Instituti i Biologjisë Detare vijon marrjen e mostrave të ujit të detit nga ky vend dhe do të informojmë publiku për rezultatet më vonë”, thuhet nga Ndërmarrja Publike vendase.
Rezultatet e analizës së cilësisë së ujit të detit për 114 lokacione, të kryera nga Instituti i Biologjisë Detare, treguan se në 80,6 për qind të lokacioneve, uji i detit ishte i cilësisë së shkëlqyer, në 13,2 për qind të lokacioneve, i mirë, në 4,4 për qind, i kënaqshëm, ndërsa në 1.8 për qind të lokacioneve uji ishte i cilësisë së dobët.
Në komunën e Budvës, cilësia e ujit të detit ishte e shkëlqyer në 29 lokacione, e mirë në dy lokacione dhe e kënaqshme në dy lokacione, ndërsa në një lokacion uji ishte i cilësisë së dobët.
Në Gjirin e Kotorrit, në komunën e Tivatit, nga gjithsej 10 lokacione, në gjashtë prej tyre uji ishte i cilësisë së shkëlqyer, në tre lokacione ishte i cilësisë së mirë, ndërsa në një lokacion cilësia e ujit për larje ishte e dobët, thuhet ndër të tjera në njoftim.