Ambasda e SHBA-ve në Prishtinë publikon deklaratën e O’Brien: Kosova ka të drejtë të mbrojë territorin e saj si çdo vend tjetër
Ambasada e SHBA-së në Prishtinë ka shpërndarë një deklaratë të ndihmës Sekretarit, James O’Brien, ku ka folur rreth përkrahjes së SHBA-së për tranzicionin e Forcës së Sigurisë së Kosovës, në një forcë multi-etnike dhe të ndërveprueshme me NATO-n.
Në postim shkruhet se Kosova ka të drejtën për të mbrojtur territorin e saj sikur të gjitha vendet e tjera. Po aty shtohet se Kosova po e bën një gjë të tillë në një proces që është transparent dhe në bashkëpunim të ngushtë me partnerët ndërkombëtarë.
“1244 ka vendosur një proces politik për të diskutuar të ardhmen e Kosovës. Ky proces eci dhe rezultoi me pavarësinë e Kosovës. Kështu që Kosova sikur të gjitha vendet e tjera ka të drejtë të mbrojë territorin e saj. Kosova po e bën një gjë të tillë në një proces që është transparent dhe në bashkëpunim të ngushtë me partnerët ndërkombëtarë si një mënyrë për të siguruar mbrojtjen e saj pa kërcënuar fqinjët e saj. Kështu që mendoj se në përgjithësi është një lëvizje drejt stabilitetit të rajonit. Dhe që ne do të vazhdojmë ta përkrahim nga SHBA”, citohet O’Brien.