Raketa Starship e SpaceX do të fluturojë përsëri në katër javë, njofton Elon Musk
Nuk do të na duhet të presim shumë për të parë të ngrihet sërish në qiell raketa më e fuqishme e ndërtuar ndonjëherë, nëse gjithçka shkon sipas planit.
Raketa Starship e SpaceX, 122 metra, ka kryer katër fluturime provë deri më sot.
Dhe i pesti me radhë është afër, sipas CEO të SpaceX, Elon Musk.
“Fluturimi 5 në 4 javë”, njoftoi Musk, shkruan yahoonews.
Bëhet e ditur se Starship përbëhet nga dy elemente: një përforcues i fazës së parë i njohur si Super Heavy dhe një anije kozmike e fazës së sipërme e quajtur Starship, ose thjesht Ship.
Të dyja janë të ripërdorshme.
Katër fluturimet testuese të Starship ndodhën në prill dhe nëntor të vitit 2023 dhe 14 mars dhe 6 qershor të këtij viti.
Të gjitha janë nisur nga Starbase, në Teksasin e Jugut, pranë qytetit të Brownsville.
Automjeti ka performuar më mirë në çdo fluturim. Nisja më e fundit, për shembull, shkoi tërësisht sipas planit; Super Heavy dhe Ship u ndanë në kohë dhe u kthyen në Tokë siç ishte planifikuar.
Për shkak se Starship performoi siç pritej më 6 qershor, SpaceX ka më pak probleme për të analizuar përpara nisjes së ardhshme.
Fluturimi i radhës do të shfaqë një kthesë të re emocionuese, nëse gjithçka shkon sipas planit.