Aksident në Milot/ Makina del nga rruga, lëndohen dy të rinj

Një aksident ka ndodhur në orët e para të mëngjesit të së hënës pranë fshatit Fushë-Milot.

Një makinë, me të cilën e udhëtonin dy të rinj, ka dalë nga rruga dhe për pasojë kanë marrë lëndime në trup.

Të rinjtë menjëherë janë dërguar për ndihmë mjekësore në Spitalin e Traumës në Tiranë.

Paraprakisht raportohet se dy të rinjtë janë jashtë rrezikut për jetën, ndërsa po mbahen nën mbikëqyrjen e mjekëve.

Grupi hetimor ndodhet në vendin e ngjarjes dhe po punojnë për sqarimin  e rrethanave të aksidentit./