Champions/ Egnatia përfaqëson Shqipërinë në kualifikuese, rivalët e mundshëm

Shorti i raundit të parë kualifikues të UEFA Champions League 2024/25 do të mbahet në orën 14:00 të martën më 18 qershor në Shtëpinë e Futbollit Evropian në Nyon, Zvicër.

Të 28 skuadrat ndahen në dy grupe me dhjetë skuadra (grupet 1 dhe 2) dhe një grup me tetë skuadra (grupi 3). Brenda secilit prej tre grupeve, skuadrat ndahen në një numër të barabartë. Një grup është kokë serie.

Egnatia, skuadra kampione e Shqipërisë bën pjesë në Grupin 1, pjesë e skuadrave që nuk janë kokë serie. Kundërshtarët e mundshëm të rrogozhinasve janë Slovan Bratislava, Lincoln Red Imps FC, The Neë Saints FC, FK Borac Banja Luka dhe Ballkani.