25-vjetori i çlirimit të Kosovës, NATO: Puna jonë mbetet sigurimi i paqes dhe liria e lëvizjes pa dallim
Duke festuar 25-vjetorin e Ditës së Çlirimit, Kosova ka përkujtuar datën 12 qershor, që simbolizon hyrjen e trupave paqeruajtëse të NATO-s në territorin e saj.
Një përpjekje për të ndaluar gjenocidin ndaj popullsisë shqiptare në Kosovë, ky moment historik ka kulmuar me fushatën ajrore të kryer nga Aleanca Veri-Atlantike kundër forcave ushtarake dhe policore serbe.
NATO ka bërë një postim në faqen e saj zyrtare X, duke kujtuar edhe njëherë ndërhyrjen e saj, gjë që ishte një moment historik për lirinë e popullit shqiptar.
“Sot shënohen 25 vjet nga misioni paqeruajtës i NATO-s në Kosovë. Misioni ynë mbetet i fokusuar në ruajtjen e një mjedis të sigurt dhe garantimin e lirisë së lëvizjes për të gjithë njerëzit në Kosovë, në mënyrë të paanshme dhe në përputhje me mandatin e OKB-së”, thuhet në njoftim.
Hyrja e trupave ndërkombëtare bëri të mundur kthimin e mbi 800 000 refugjatëve dhe të zhvendosurve brenda territorit të Kosovës në shtëpitë e tyre, të cilët ishin detyruar të braktisnin vatrat e tyre në kohën e konfliktit dhe ishin strehuar në kampe emergjence në Shqipëri dhe Maqedoni të Veriut.
Today marks 25 years of NATO’s Kosovo Force peacekeeping mission.
— NATO (@NATO) June 12, 2024
The mission works to maintain a safe and secure environment and freedom of movement for all people in Kosovo, impartially and in line with its UN mandate.
Learn more about @NATO_KFOR ⤵️ pic.twitter.com/GxvK2J8dxp