Adoleshenti që ra 120 m poshtë në kanion, shpëton me disa lëndime të lehta
Një adoleshent në shtetin e Uashingtonit i ka mbijetuar një rënieje prej 120 metrash në anën e një kanioni me vetëm "lëndime minimale", thotë policia.
Ai u shpëtua në një "operacion i sigurt dhe i suksesshëm", shtuan oficerët në postimin e tyre në Facebook të fundjavës. Ata postuan imazhe të misionit, gjatë të cilit ekipi përdori një parzmore jashtë urës së afërt të çelikut të lartë.
Shërbimi lokal i zjarrfikësve raportoi se personi i përfshirë ishte 19 vjeç dhe "tepër me fat" që ishte gjallë.
Adoleshenti – identiteti i të cilit nuk është bërë publik – thuhet se ka qenë duke u ngjitur kur ka rënë.
"Ai po ecte në një vijë që e përdorin shumë njerëz dhe është bërë një shteg," tha Mattheë Ëealander, shefi i zjarrfikësve.
"Nuk është një shteg. Është një vijë shumë e pjerrët.
"Dhe (ai) përfundoi deri në fund në lumë, duke rrëshqitur," u tha Ëealander gazetarëve në vend.
Adoleshenti u dërgua në spital për kontroll, raportoi NBC Neës.
Autoritetet u kanë kujtuar njerëzve që të mos ecin në këtë zonë, të cilën ata e përshkruajnë si të rrezikshme për këmbësorët dhe shpëtimtarët. Disa njerëz vdesin atje çdo vit, dhe disa vetëvrasje raportohen gjithashtu në zonë.
"Ne u kemi thënë njerëzve që të qëndrojnë larg këtyre shtigjeve sepse janë të rrezikshme, por njerëzit ose nuk i kanë parë shenjat paralajmëruese ose po e shpërfillin atë," sipas një oficeri policie të përfshirë në shpëtim.
Ura e lartë e çelikut - e cila u përdor nga shpëtimtarët për të tërhequr adoleshentin - shtrihet në lumin Skokomish dhe më parë kishte një hekurudhë.