Shoqëruesi i kryetarit të KQZ, përfundon i plagosur në spital
Pasditen e sotme, një gardist është dërguar në spital për të marrë ndihmën mjekësore, pasi dyshohet se është vetëplagosur me armën e tij të shërbimit.
Fatjon S., është shoqëruesi i kryetarit të KQZ-së, Ilirjan Celibashi.
Tiranë/Informacion paraprak
Më datë 24.05.2024, rreth orës 18:00, është paraqitur për të marrë ndihmë mjekësore në SUT, shtetasi F. S., 28 vjeç, punonjës pranë Gardës së Republikës, i cili dyshohet se është vetëplagosur me armën e shërbimit.
Në lidhje me rastin është njoftuar AMP, dhe në bashkëpunim me grupin hetimor po punohet për sqarimin e rrethanave të ngjarjes.