'Dega e PS në Dubai, më e madhja jashtë vendit, kërkon lista të hapura'
Operacioni i fundit i SPAK zbuloi qartë se sa të forta janë lidhjet e Partisë Socialiste me krimin.
Tre deputetë të PS dalin të implikuar në dosjen e fundit.
Ndërkohë, shumë prej të kërkuarve janë arratisur në Dubai, që është kthyer në një parajsë për kriminelët me pushtet të Shqipërisë.
Gazetari Klodian Tomorri ka ironizuar me këtë situatë.
“Dega e Partisë Socialiste në Dubai, më e madhja jashtë Shqipërisë, bën thirrje për votën e diasporës dhe listat e hapura në zgjedhjet e ardhshme,” shkruan ai.
“Mes krenarive të mëdha të kryeministrit dhe Partisë Socialiste për arritjet dhe sukseset e mëdha, duhet shtuar edhe kjo;
Aq i lirë ka qenë debati dhe aq shumë ka vluar mendimi ndryshe brenda PS-së, saqë deputetët e grupit parlamentar të kryeministrit, ditën votonin reformat për të çuar Shqipërinë përpara, ndërsa natën planifikonin atentate për të vrarë njëri- tjetrin. Do ketë parti në botë me kaq shumë demokraci të brendshme, vallë?” shkruan gazetari.