Në gjendje depresive, 40-vjeçari shëtit lakuriq në rrugët e Durrësit
Një 40 vjeçar, i cili kishte dalë i zhveshur në rrugë, është ndaluar nga Policia. 40-vjeçari R.L është shoqëruar në spitalin psikiatrik, ku pas kontrollit rezultoi se ishte në gjendje depresive.
Lidhur me ngjarjen ka reaguar edhe Policia.
Durrës/Informacion paraprak
Paraditen e sotme, menjëherë pas njoftimit se një shtetas kishte dalë i zhveshur në rrugë, shërbimet e Policisë gjetën shtetasin R. L., 40 vjeç, banues në Durrës.
40 vjeçari u dërgua në Komisariat dhe më pas në spitalin psikiatrik, ku pas kontrollit mjekësor rezultoi se ishte në gjendje depresive. Pas mjekimit të nevojshëm, 40-vjeçari iu dorëzua familjarëve.