Greqi, gjendet një grua shqiptare e vrarë me thikë në mes të rrugës
Shtypi grek shkruan se 40-vjeçarja e gjetur në Menidhi është me origjinë nga Shqipëria – Sipas informacioneve ka një histori dhune në familje dhe të paktën një kallëzim/
Alarmi është ngritur në policinë greke ELAS pas informacioneve të marra mëngjesin e së enjtes për një grua të vdekur në mes të rrugës në Menidhi .
Sipas informacioneve të para nga Protothema, gruaja e cila është 40 vjeçe me origjinë nga Shqipëria, është goditur me thikë në bark, ndërsa pranë saj është gjetur një çantë.
Gruaja u gjet e pajetë në kryqëzimin e rrugëve Parnithos dhe Aristotelous, një nga pikat më qendrore të Menidit.
Vlerësimi i parë i policisë që ka shkuar në vendngjarje është se bëhet fjalë për një vrasje me autorin ose autorët që e kanë lënë gruan në rrugë pas rrahjes.
Pas identifikimit të gruas, policia ka nisur kërkimet në të kaluarën, duke kërkuar prova që mund të çojnë në zbardhjen e çështjes, ku provat e para tregojnë për një histori të dhunës në familje me viktimë, gruan fatkeqe, e cila dyshohet se ka bërë të paktën një ankesë përkatëse në fillim.