Zbulohet arsyeja pse u paraqit në SPAK/ Fatos Tushe dyshohet për...
Ish-kryetari i bashkisë së Lushnjes, Fatos Tushe, është paraqitur sot në SPAK.
Ai është parë të hyjë në ambientet e Prokurorisë së Posaçme i shoqëruar nga avokati i tij.
Tushe është thirrur për një hetim tjetër të nisur ndaj tij, pasi akuzohet për 'Fshehje pasurie'. Tushes i janë gjetur prona të fshehura në emër të personave të tjerë.
Kur doli nga ambientet e Prokurorisë së Posaçme, Tushe tha se ishte thirrur në lidhje me mosdeklarimin e një pasurise.
Fatos Tushe ka qenë i dënuar më parë për 'shpërdorim detyre' dhe lejim të ndërtimeve pa leje. Ai u arrestua në korrik të vitit 2021 nga një operacion i ndërmarrë nga SPAK për akuzën e shpërdorimit të detyrës.