Rinovimi i Lautaros, objektivi madhor i Interit për muajt në vijim
Lautaro Martinez kërkon një rinovim kontrate me Interin. Rinovimi i tij do të jetë edhe objektivi i madh i klubit zikaltër, megjithatë duhet pritur deri në muajin maj kur do të merret vesh se kush do të jetë pronari i ardhshëm i Interit.
Lautaro duket mjaft në formë këtë sezon teksa ka shënuar 22 gola në 23 paraqitje. Forma e tij po krahasohet me atë të Osimhen që vitin e kaluar doli kampion me Napolin.
Në këto kushte Lautaro do të kërkojë një kontratë të re me një pagë më të lartë. Për momentin, argjentinasi merr 7 milionë në sezon, por krahasuar me bomberat e tjerë të Serie A, paga e tij është më e ulët. Osimheni rinovoi pak kohë më parë për 10 milionë në sezon, ndërsa serbi i Juventusit, Dusan Vlahovic do të marrë sezonin e ardhshëm 12 milionë.
Lautaro nuk mund të mbetet prapa në këtë drejtim duke qenë dhe kapiteni i skuadrës kryesuese në Serie A. Rinovimi i tij do të jetë edhe objektivi i madh i klubit zikaltër, megjithatë duhet pritur deri në muajin maj kur do të merret vesh se kush do të jetë pronari i ardhshëm i Interit.