ISHP: Simptomat dhe trajtimi i anemisë
Instituti i Shëndetit Publik këshilloi sot për aneminë.
Simptomat e anemisë ndodhin, sepse organet tuaja nuk po marrin atë që u nevojitet për të punuar, ashtu siç duhet. Shenjat e anemisë mund të jenë aq të lehta, sa mund të mos i vini re. Në një moment të caktuar, me uljen e rruazave të gjakut, simptomat bëhen të dukshme.
Gratë, fëmijët e vegjël dhe njerëzit me sëmundje afatgjata kanë më shumë gjasa të kenë anemi.
Anemia përkufizohet si një numër i ulët i rruazave të kuqe të gjakut. Në një test gjaku rutinë, anemia raportohet si një nivel i ulët i hemoglobinës ose hematokritit.
Hemoglobina është proteina kryesore në rruazat e kuqe të gjakut. Ajo mbart oksigjen dhe e shpërndan atë në të gjithë trupin tuaj. Nëse keni anemi dhe niveli juaj i hemoglobinës është mjaft i ulët, indet ose organet tuaja mund të mos marrin oksigjen të mjaftueshëm.
Trajtimi i anemisë varet nga lloji i saj. Në raste jo të komplikuara anemia mund të shërohet lehtësisht. Zakonisht është një çështje afatshkurtër që mund të trajtohet me një ndryshim në dietë, ose duke marrë suplemente. Për të trajtuar aneminë konsumoni një dietë të pasur me hekur. Nëse nuk merrni mjaftueshëm ushqime që përmbajnë sasi të lartë hekuri, trupi juaj mund të ketë mungesë të tij.