Shpallet fajtor për përdhunimin e një vajze, burg për Dani Alves
Ish-futbollisti i Barcelonës dhe i Kombëtares së Brazilit, Dani Alves, është shpallur fajtor nga një gjykatë në Spanjë për shkak të përdhunimit të një vajze në një klub nate në Barcelonë në orët e para të 31 dhjetorit 2022.
Alves i cili ka përfunduar në burg më shumë se një vit më parë, është dënuar me katër vjet e gjysmë burgim.
Avokati i Alvesit kishte kërkuar pafajësinë për të. Braziliani mund ta apelojë vendimin.
Ka pasur raportime se Alvesi është në kushte të vështira financiare, për çka i dalë në ndihmë bashkëkombasi i tij Neymar.
Gjithashtu, ish-futbollisti brazilian do duhet t’i paguajë 150 mijë euro si kompensim viktimës dhe nuk do të lejohet të qëndrojë më afër se 1 kilometër nga ajo.
40-vjeçari është një nga futbollistët me më shumë trofe në histori të futbollit.