Jo vetëm Mbappe, Real kërkon edhe një titullar të Lazio-s
Kylian Mbappe duket se do të jetë një lojtar i Real Madrid sezonin e ardhshëm.
Por madrilenët po kërkojnë edhe lojtarë të tjerë. Ndër mundësitë e konsideruara, siç raporton ‘masfichajes.com’, do të ishte për shembull Mario Gila, një mbrojtës që po bën shumë mirë për Lazion këtë sezon.
Pas një sezoni të trazuar vitin e kaluar, një sezon përshtatjeje dhe 12 stolave radhazi në fillimin e kampionatit, që prej datës 13 kundër Salernitanas ai nuk është larguar më kurrë nga fusha.
Një rritje e papritur për lojtarin e datëlindjes 2000 që u rrit në cantera-n e Real Madridit dhe mbërriti në Romë në vitin 2022 për 6 milionë, i cili tani është një titullar shumë i rregullt, gjithmonë ndër më të mirët në fushë.
Një rritje graduale falë punës së Sarrit dhe cilësive të shkëlqyera teknike dhe atletike (ai nuk është veçanërisht i gjatë, por është shumë i shpejtë).
Falë dëmtimeve të Romagnolit dhe Patric, përveç momentit të keq të Casale, Gila po luan në një nivel shumë të lartë (si super ndeshjen e bërë ndaj Kane) dhe këtë e ka vënë re edhe Real Madridi.
Madrilenët kanë një përqindje 50% në rishitjen e tij, kështu që – edhe në rast të një kërkese të konsiderueshme nga Lazio – do të mbetej një goditje e përshtatshme. Ai do të kthehej në Bernabeu me një përvojë dhe rritje të rëndësishme në Serie A.