Humbja me Monzën/ Pioli e pranon: Gabova unë, siç bënë edhe lojtarët
Stefano Pioli ka bërë autokritikë për humbjen e Milanit përballë Monzës, por ka theksuar se edhe lojtarët e tij kishin gabuar shumë në këtë sfidë.
“Golat e pësuar janë të shumtë dhe po bëhen shumë. Kemi gabuar edhe në episodet vendimtare, ishte një mbrëmje për t’u harruar. Rotacioni? Prisja një ekip të gatshëm dhe të vëmendshëm, por ishim vetëm pjesërisht të tillë. Gabimet e bëra ishin shumë të rënda, kartoni i kuq ndikoi dhe pas barazimit nuk ishim mjaft të qartë për të ruajtur barazimin.
Leao duhej të luante, por kishte probleme në pulpë. Nuk ia mbajti që të luante nga fillimi. A ndjehem përgjegjës? Po, jam Unë jam ai që vendos taktikat, unë jam ai që zgjedh lojtarët dhe jam gjithmonë ai që merr vendimet. Unë jam përgjegjës, por ashtu siç janë edhe lojtarët”.
A po mendonim Europën? Absolutisht jo, në fakt ne donim të kalonim Juventusin dhe të ktheheshim në vendin e dytë në tabelë. Liga e Europës nuk ishte në mendjen tonë. Isha i sigurt se mund të kthenim ndeshjen në pjesën e dytë, por fatkeqësisht episodi negativ vendimtar ishte përjashtimi i Joviçit”, tha Pioli para gazetarëve.