SYRI TV/ Fshati Asim Zenel drejt shpopullimit, mësuesja e papunë: Do ik në Gjermani
Shpopullimit nuk i ka shpëtuar as fshati Azim Zenel në Gjirokastër. Një mësuese e pa punë në këtë fshat do të largohet drejt Gjermanisë, ndërsa ikja e banorëve, ka bërë që të shkojë drejt falimentimit bujqësia dhe blegtoria.
Syri tv
Valbona Kaçi është e vetmja nuse në lagjen e saj në fshatin Asim Zenel të bashkisë Gjirokastër. Ajo ka përfunduar studimet e larta për mësuesi, por prej 15-vjetësh, është e papunë…
Shkolla e fshatit po shkon drejt mbylljes pasi numri i nxënësve ka rënë, ndërsa Valbona do të emigrojë drejt Gjermanisë.
Banorët e tjerë të fshatit, tregojnë gjithashtu se do të largohen prej fshatit, ku tashmë dëshmitë e shpopullimit janë prezente me banesa të braktisura dhe rrugë pa frymë.
Për shkak të largimit të banorëve, në fshat po zhduken dy sektorët kryesor të ekonomisë, bujqësia dhe blegtoria.