Policia Rrugore masakron edhe këtë javë qytetarët - 11 mijë gjoba brenda 7 ditëve
Plot 11 mijë masa administrative janë vendosur nga policia e Tiranës gjatë javës që lamë pas, ndërsa janë ndaluar 14 shoferë e ndaj 84 të tjerëve janë pezulluar leja e qarkullimit.
Është e njëjta situatë si javën e kaluar kur policia msakron qytetarët me gjoba. Siç duket buxheti ka nevojë për para dhe këtë duhet ta paguajnë qytetarët me gjoba.
Njoftimi:
Këtë javë në Tiranë, Policia Rrugore ka marrë masa të rëndësishme për sigurinë e qarkullimit:
14 persona janë ndaluar për vepra penale në trafik, duke përfshirë drejtimin e mjetit në gjendje të dehur, pa leje drejtimi, aksidente dhe korrupsion aktiv ndaj personave qe ushtrojnë funksione publike.
U vendosën 11,462 masa administrative për një gamë të gjerë shkeljesh, duke theksuar rëndësinë e respektimit të rregullave të trafikut për një qytet më të sigurt.84 masa administrative janë paraparë për pezullim të lejes së drejtimit, me mundësi konvertimi në gjoba të dyfishta.
8 automjete janë bllokuar për arsye të ndryshme, duke përfshirë mungesën e dokumentacionit dhe detyrime të papaguara.
Mos harroni, siguria në rrugë është përgjegjësi e të gjithëve. Respektoni rregullat dhe mbrojtja e jetëve nis nga ju!