Lazio rikthehet te fitorja, mposht Cagliarin dhe i afrohet zonës Champions
Lazio është kthyer te fitorja në kampionat pasi ka mundur 3-1 Cagliarin në transfertë në javën e 23-të të Serisë A.
Një fitore që e ka ngjitur skuadrën e Sarri-t përkohësisht në vendin e gjashtë në renditje dhe e ka çuar vetëm dy pikë larg zonës Champions.
Sfida është zhbllokuar në minutën e 26-të nga një autogol i Deiola-s.
Në pjesën e dytë, në minutën e 50-të, ka ardhur goli i dytë i miqve i shënuar nga Ciro Immobile.
Në minutën e 65, Lazio shënoi edhe të tretin me anë të Felipe Anderson duke “vrarë” ndeshjen.
?? Goal: Ciro Immobile | Cagliari 0-2 Lazio pic.twitter.com/WHiGiFBfTU
Sulmuesi italian ka shënuar 200 gola në Serie A duke u bërë lojtari i tetë që arrin këtë shifër dhe i katërti që e arrin në 45 vitet e fundit, bashkë me Roberto Baggio (205), Antonio Di Natale (209) e Francesco Totti (250).