Kërcënoi me armë zjarri një person në Vlorë, arrestohet 41 vjeçari i shpallur në kërkim
Një 41 vjeçar është vënë në prangat e policisë së Vlorës në kuadër të operacionit të koduar “Sundimi i ligjit”. Mësohet se 41 vjeçari ishte shpallur në kërkim pasi kërcënoi një person me armë zjarri duke qëlluar në ajër. Ngjarja ndodhi në muajin Korrik të vitit 2022 pas një konflikti të çastit me 51 vjeçarin.
Pistoleta, të cilën 41-vjeçari e posedonte pa leje, është gjetur sekuestruar nga policia pas ngjarjes. Ndaj tij, gjykata e Vlorës kishte vendosur masën e sigurisë ‘arrest me burg’ për veprat penale “Mbajtja pa leje dhe prodhimi i armëve, armëve shpërthyese dhe municionit luftarak” dhe “Kanosja”.