Kush ia ka bllokuar 'lotët krokodilit'?
A e mbani mend "marrëveshjen e Krokodilit" në Strasburg në 2011?
Vitet e largëta 2010 - 2011, ishin vitet kur Shqipëria u antarësua në NATO, iu hoqën vizat, dorëzoi aplikimin për vend Kanditat i BE.
Të gjitha këto ndodhën sepse u plotësuan ato që quheshin "kriteret politike":
* kontroll i territorit
* luftë kundër korrupsionit
* luftë kundër krimit të organizuar
* zgjedhje brenda standardeve prerëndimore
Ose më saktë ato që Hillary Clinton, në vizitën e saj në Shqipëri në tetor 2012, i quajti "demokraci në veprim", dhe Shqipërinë e drejtuar nga Sali Berisha si një vend etalon për ata që donin ta shihnin me sytë e tyre fenomenin!!!
Ky episod i fundit, ishte një shuplakë publike drejtuar personalisht Edi Ramës dhe opozitës së kryesuar prej tij, që për me tepër pati pasoja shkatërruese edhe për ambasadorin e SHBA në Tiranë.
Në 20 minuta takim më Sekretaren Klinton në "Sheraton", (prej të cilave vetëm 10 minuta ulur) Edi Rama mori mesazhin se mosnjohja e zgjedhjeve të cilësuara nga OSBE/ODIHR "të standardeve ndërkombëtare" është e papranueshme, njësoj si bllokimi i parlamentit...
Pavarësisht sa më sipër, "Evropa" e kohës përmes Komisionerit Füle dhe të dërguarit Lajçak, të dy eksponentë të "familjes së madhe socialiste evropiane", nuk e mendonte njësoj...
Bllokimin e parlamentit nga deputetët e PS, me urdhër të Edi Ramës, e quajtën fillimisht "krizë politike" për ta "zmusuar" më vonë në termin "ngërç politik" ose "political stalemate".
Füle në atë kohë, i bënte thirrje Kryeministrit Berisha "të krijonte një atmosferë politike gjithëpërfshirëse në Shqipëri", duke i ngarkuar përgjegjësinë të gjejë një rrugë për të sjellë opozitën në seanca normale parlamemtare...
Për më tepër, Füle i jepte ultimatum Kryeministrit Sali Berisha se "nuk ka vend për të bërë sikur nuk i kupton përgjegjësite", se "ose Shqipëria do të përmbushë të gjitha "kriteret e Kopenhagenit", përfshirë edhe dialogun politik aktiv dhe një parlament funksional, ose s'ka asgjë në terezi"....
"Diplomacia e krokodilit" e quajtën atëhere gazetarët ndërkombëtarë, dhe unë më bukur se kaq nuk e përkufizoj dot sot...
Diplomacia evropiane që derdhte "lot krokodili" për të drejtat e opozitës në një vend me kritere politike të çertifikuara ndërkombëtarisht si krejt perëndimore, sot hesht.
Sot që OSBE/ODIHR prej 10 vitesh ngre alarmin se * "kriteret e Kopenhagenit" nuk ekzistojnë më në Shqipëri,
* kur mafia shqiptare ka monopolin global të kokainës,
* kur paratë e kokainës me gojën dhe praktikën e kryeministrit po mbysin ekonominë...
.... "krokodili" evropian nuk qan më... nuk ka më lotë... asnjë pikë...
Ishte vetëm 10 - 12 vjet më parë...
"Krokodili" është po aty ku ishte!
Edi Rama është më zi nga ai që ishte!
Shqipëria nuk ka më lidhje me "kriteret e Kopenhagenit"!
Por "krokodili" nuk ka më "lotë"... nuk ndihet...
Si është ajo shprehja e vjetër popullore "krokodilit që s'qan, i kanë dhënë për të pirë?", apo e kam gabim?