Shefi i Misionit të OSBE, i tmerruar nga vrasja e gruas në Prishtinë: Zgjohuni!
Prishtinë - Shefi i OSBE-së në Kosovë, Michael Davenport, ka reaguar pas vrasjes së Liridona Ademaj-Murseli në Prishtinë. Davenport është shprehur i tmerruar nga “një rast tjetër brutal i femicidit në afërsi të Prishtinës”.
“I tmerruar nga një rast tjetër i vrasjes së gruas në afërsi të Prishtinës, ndërsa shënojmë 16 ditët e aktivizmit kundër dhunës në familje. Thirrje zgjimi për të gjithë ne”, ka shkruar Davenport në platformën X.
Liridona Ademaj-Murseli u vra tri ditë më parë në Prishtinë, ndërsa dje u arrestua bashkëshorti i saj dhe dy persona të tjerë, të cilët dyshohet se organizuan dhe kryen vrasjen e saj.