Misteri i 'Kishës së Djallit': Shpella rrëqethëse në Finlandë ka një rezonancë unike
Shpella Pirunkirkko, e njohur si Kisha e Djallit, e cila ndodhet në parkun kombëtar të Kolit në Finlandë, ka intriguar vizitorët që pretendojnë se "ndiejnë praninë e një shpirti" brenda. Studiuesit nga Universiteti i Finlandës Lindore ia atribuojnë këtë fenomen një rezonance unike në shpellë. Shpella në formë Z-je, me përmasa 34 metra e gjatë, historikisht ka qenë e lidhur me të urtët vendas që kryenin rituale për të kontaktuar me botën shpirtërore.
Studimi zbuloi se vetitë akustike të shpellës, duke përfshirë një valë mes mureve të lëmuara paralele, krijojnë një fenomen të dallueshëm rezonance në 231 Hz, duke përforcuar dhe zgjatur tingujt në frekuenca specifike.
Sipas studiuesve Riitta Rainio dhe Elina Hytonen-Ng, rezonanca, e cila ndodh për shkak të frekuencës natyrore të shpellës, mund të jetë interpretuar nga njerëzit në të kaluarën si prania e një shpirti ose energjie të jashtëzakonshme. Në folklorin e lashtë, shpella përdorej për rituale shëruese, me një burrë të quajtur Kinolainen që merrte pacientët për të komunikuar me djallin për sëmundjet e tyre.
Studimi përfshinte intervista dhe regjistrime të një praktikuesi shamanik të ditëve moderne, i cili përdorte shpellën për rituale. Praktikuesi vokalizoi tonet në 231 Hz, të cilat më pas u përforcuan nga frekuenca natyrore e shpellës, duke sjellë përvojën unike që raportohej nga vizitorët. Studiuesit sugjerojnë se rezonanca delikate në shpellë, një dukuri e rrallë në mjediset natyrore, mund të ngjallë një ndjenjë të pranisë shpirtërore midis vizitorëve.