Dodik provokon Vuçiqin: Do ta mbështes listën e tij në zgjedhje edhe pse nuk më ka mbështetur
Presidenti i Bosnjës dhe Hercegovinës entiteti Republika Srpska (RS) Milorad Dodik tha se do të mbështesë listën “Aleksandar Vuçiq – Serbia nuk duhet të ndalet” në zgjedhjet e dhjetorit në Serbi, megjithëse Vuçiq nuk e mbështeti atë në zgjedhjet e përgjithshme të vitit të kaluar në RS.
“Është në interesin e RS-së që ai të fitojë dhe unë do të votoj për Partinë Progresive Serbe (SNS). Është e vërtetë që ai nuk më mbështeti, madje disa njerëz në pozita më të ulëta në SNS u përpoqën të ndikojnë në zgjedhje”, tha Dodik në intervistën për NIN.
Kur u theksua se njerëz të tillë brohoritnin hapur për kandidaten e tij Jelena Triviq, ai tha se ishte e vërtetë, duke shtuar se “e supozoj se është edhe tregues i demokracisë”.
“Edhe në SNSD (Unioni i Social Demokratëve të Pavarur) ka njerëz që nuk e mbështesin politikën e Vuçiqit. Por, ndryshe nga të tjerët, unë e kuptoj se çfarë do të thotë të ndërtosh një vend të lënë pas dore dhe për sa i përket marrëdhënies sime me Vuçiqin. Ai është i paprekshëm dhe kemi bashkëpunim të shkëlqyer”, ka theksuar Dodik shkruan Beta.