Jeruzalem: Tre të vrarë dhe 6 të plagosur në stacion, vriten të dy sulmuesit e Hamasit, vëllezër
Dy persona të armatosur të Hamasit qëlluan për vdekje në vendngjarje; Viktimat e vrarë janë identifikuar si një grua 24-vjeçare, një burrë dhe një grua e moshuar.
Tre persona u vranë dhe gjashtë u plagosën, dy prej tyre në gjendje të rëndë, në një sulm terrorist në hyrje të Jerusalemit mëngjesin e së enjtes, thanë policia dhe mjekët, sipas The Times of Israel.
Sipas policisë izraelite, rreth orës 7:40 të mëngjesit dy persona të armatosur, palestinezë, dolën nga një automjet në rrugën Ëeizman në hyrjen kryesore të kryeqytetit dhe hapën zjarr ndaj njerëzve në një stacion autobusi.
Policia tha se dy ushtarë jashtë detyrës dhe një civil i armatosur në zonë u përgjigjën me zjarr, duke i vrarë dy terroristët.
Sulmuesit quheshin vëllezërit Murad Namr, 38 vjeç dhe Ibrahim Namr, 30 vjeç, nga Jeruzalemi Lindor.
Sipas agjencisë së sigurisë Shin Bet, të dy ishin anëtarë të Hamasit dhe ishin burgosur më parë për aktivitet terrorist.
Murad u burgos midis 2010 dhe 2020 për planifikimin e sulmeve terroriste nën drejtimin e elementëve terroristë në Rripin e Gazës dhe Ibrahimi u burgos në vitin 2014 për aktivitete terroriste të pazbuluara, tha agjencia.
Pamjet treguan se terroristët ishin të armatosur me një pushkë sulmi M-16 dhe një pistoletë. Nga kontrolli i policisë në automjet u gjetën sasi të mëdha municionesh.
Policia tha se oficerët po kontrollonin zonën për të përjashtuar ndonjë sulmues shtesë.
Shërbimi i ambulancës Magen David Adom tha se mjekët e saj deklaruan vdekjen e një gruaje 24-vjeçare në vendngjarje dhe po çonin tetë të tjerë në spitalet në Jerusalem.
Një i moshuar dhe një grua, të cilët u plagosën rëndë, u deklaruan më vonë të vdekur në një spital në Jerusalem.
Asnjë nga viktimat nuk u identifikua menjëherë publikisht.
Dy viktima të tjera janë të listuara në gjendje të rëndë, tre në gjendje të moderuar dhe një në gjendje të mirë, sipas MDA./ar.sh/SYRI.NET