Të korruptuar, por patriotë me flamur!
Nga Boldnews.al
Mezi e presin këtë ditë, si një larje ndërgjegjeje për atë që i bëjnë vendit, kombit, qytetarëve. Flamurin e tundin me patriotizëm të madh, mbajnë fjalime si shtetarë, mburren si heronj të gjallë që brezat do i kujtojnë, por në fakt janë ca “brejtës” të korruptuar kokë e këmbë, të cilët kanë në xhep çelësat e pushtetit dhe arkës së madhe të korrupsionit, gjithnjë nën hijen e rëndë të simbolit komëtar, flamurit të vendit.
Dje u përkujtua 111-vjetori i Pavarësisë së Shqipërisë. Propaganda në kulmin e saj, në një ekstrazi kinse patriotike nga njerëzit që kujtojnë jo pavarësisnë e vendit, por pavarësinë e plotë për të grabitur, mbajtur pushtet me krimin, botën e errët të oligarkisë dhe shtrirjen e fenomenit të korrupsionit në çdo “cep të flamurit”.
Në muajin e 11 dhe vitin 111 pushtetarët tanë zbarkuan në Vlorë. Çdo gjë duhej të dukej “madhështore” në organizim, për t’i bërë temena të madhe Ditës së Pavarësisë, aty ku 111 vjet më parë Ismail Qemali dhe shumë patriotë të tjerë ngritën flamurin kombëtar dhe shpallën Pavarësinë e Shqipërisë. Kush mund ta mendonte nga ata patriotë, që 111 vite më vonë, soji i pushtetarëve e ka përdhosur atë flamur, i ka ulur kokën një kombi, po degdis nga vendi çdo ditë qytetarët e saj, ndërsa vetë parakalojnë krenueshëm si “shtetarë” të mëdhenj.
Nga ai shesh me buqeta e kurora lulesh dhe të përkulur para Monumentit të Pavarësisë kanë kaluar edhe Arben Ahmetaj, Saimir Tahiri dhe Ilir Beqaj. Një i dënuar si i përlyer ndërkombëtarisht në trafikun e drogës, tjetri në kërkim për korrupsion dhe pastrim parash, ndërsa të tretit i vijnë prangat rrotull, pavarësisht mbrojtjes që po i bën kryeministri. Edhe ish-kryebashkiakët e Rilindjes patriotë të medhenj janë shfaqur… Vangjush Dako, Fatos Tushe, Lefter Alla, Fran Tuci, apo më i freskëti Safet Gjici. Ky i fundit m'u bash dy metra larg flamurit të madh kombëtar bënte seks oral në zyrën e shtetit. Patriot dukej…
Sot pas 111 vitesh jemi nën një regjim autokratik të theksuar, gati një prag larg diktaturës që nuk vjen me lajmërime të mëdha, por fare butë, duke përdorur fort edhe simbolet kombëtare. Ata shiten si atdhetarë në këtë bulevard korrupsioni, ndërsa kanë për dëshmitarë popullin votues që e duatroket edhe kur e varfëron dhe e brohoret edhe kur e shtyp.
Edhe në Tiranë, në bulevardin 'Dëshmorët e Kombit' parakaluan shumë syre zyrtarësh lokalë e qëndrorë. Veshur bukur si për festë të madhe, me kostume të zinj dhe kollare të kuqe firmato, të blera shtrenjtë me para korrupsioni… Ama për këtë ditë janë patriotë. Dhe nuk është aspak çudi që ata e duan kështu siç është këtë komb. Të festojnë jo ditën e Pavarësisë së Shqipërisë, por vit pas viti delirin e tyre që të kenë lirinë për ta grabitur, për t'u pasuruar dhe mbajtur pushtet me forcën e parasë që vjen nga oligarkia dhe tytën e armëve që ofrohet për ta nga krimi i organizuar dhe bandat…!