Amadea flet për marrëdhënien me Harisin, por gjërat janë pak të ndërlikuara
Amadea, e ftuar në “MCN TV” ka folur për marrëdhënien me Haris, duke treguar se si vijon lidhja e tyre. Ajo u shpreh se nuk janë ndarë, por gjërat mes tyre janë paksa të ndërlikuara, sidomos tani që Haris është kthyer në Angli.
“Shumë fansa dhe njerëz në Instagram më kanë çuar të gjitha mediat që kanë postuar që unë me Harisi jemi ndarë pas Ildës dhe Stivit, por ne nuk jemi ndarë. Në anën time unë nuk kam deklaruar asnjë ndarje, as në anën e Harisit. Unë video dhe foto kam me të që nga “Love Island” ku më ka kërkuar të bëhesha e dashura e tij. Kam edhe videon në finale që e kam postuar”, tha ajo.
Më pas vijoi:
“Kur iku Haris andej (në Angli) kemi folur dy ditët e para shumë mirë dhe më pas ka vazhduar me punët dhe gjërat e tij, sepse mezi po priste që të ikte. Më tha që “kam shumë punë, kam lënë shumë gjëra pas dore që unë duhet t’i zgjidh”. Normale, jeta e tij është në Angli dhe atje duhet t’i zgjidhë çështjet dhe gjërat që ka, por kohët e fundit nuk është se kemi folur aq shumë, vetëm për pjesën që ka thënë që është shumë i zënë gjithë kohën dhe thjesht më dërgon ndonjë foto ose ndonjë video dhe kaq. Nuk është se kemi ndonjë muhabet më tepër. Edhe unë dua t’i jap kohën dhe hapësirën e mundshme që ai të zgjidhë problemet dhe çështjet që mund të ketë. Po merremi me gjërat tona derisa t’i vëmë në vijë dhe po i jap më shumë kohë Harisit që edhe ai të shikojë të gjitha punët e veta dhe të arrijë në një konkluzion. Nëse kthehemi si më parë, çdo gjë si ka qenë si në fillim është shumë ok…”, u shpreh Amadea.