Media në Itali: Dybala do të padisë Juventusin

Mediat italiane bëjnë me dije se argjentinasi Paulo Dybala do të padisë Juventusin për 50 milionë euro, sa është diferenca mes kontratës që ka rënë dakord me Zonjën e Vjetër dhe kontratës së tij aktuale në Romë.

Siç thuhet, Juventusi i detyrohet ende afro tre milionë euro ish-lojtarit të tij nga paga e dytë, për të cilën po hetojnë Federata Italiane e Futbollit dhe Prokuroria e Torinos dhe shtohet se argjentinasi kërkon që paratë t'i paguhen deri në prill ose do t'i padisë.

Gjithashtu shtohet se kjo nuk është e gjitha dhe se avokati i Dybala do të padisë Juventusin për shkak se nuk ia rinovuan kontratën, e cila skadoi në vitin 2022, pasi më herët klubi dhe lojtari kishin rënë dakord për të gjitha elementet thelbësore.

Dybala fa causa alla Juventus: «Andando alla Roma ha perso 50 milioni» https://t.co/sM3r8ToVRc pic.twitter.com/r1FdTHyM5N

— Serie B BKT (@serieB123) March 23, 2023

Bëhet fjalë për një kontratë pesëvjeçare me vlerë 9.2 milionë euro neto në vit.

Dybala ka lejuar avokatin e tij të injorojë "sekretin profesional" dhe të zbulojë detajet e marrëveshjes së tij për prokurorët e Torinos.

Gjithashtu shtohet se Dybala ka nënshkruar një kontratë me Juventusin, për të cilën klubi duhet t'i jepte tre milionë euro, pavarësisht nëse ka qëndruar në klub apo është larguar nga Torino.

Paulo Dybala has lost about €50 million because of Juventus' inability to pay him an exit incentive, report Corriere della Sera. Juve owe La Joya €3 million and the player's lawyers are expected to sue the Bianconeri soon.https://t.co/3dbkXQHQ0K

— Get Italian Football News (@_GIFN) March 23, 2023