‘1 milion kundër 1’/ Këlliçi: Veliaj ka 2-fishuar administratën! 154 mijë euro në ditë për 8322 punonjës
Deputeti demokrat, njëherazi dhe kandidati i PD-së për zgjedhjet e 14 majit për Bashkinë e Tiranës, Belind Këlliçi ka denoncuar fryrjen e administratës në këtë institucion me gati dyfish.
‘Bashkia Tiranë i merr qytetarëve 154 mijë euro çdo ditë për paga. Bashkia Tiranë po pëllcet. Fryrje fiktive e administratës nga viti në vit për qëllime elektorale. Është dyfishuar numri i punonjësve dhe shpenzimi për pagat’, shkruan Këlliçi në Facebook.
Postimi i plotë:
Bashkia Tiranë i merr qytetarëve 154 mijë euro çdo ditë për paga.
Bashkia Tiranë po pëllcet. Fryrje fiktive e administratës nga viti në vit për qëllime elektorale. Është dyfishuar numri i punonjësve dhe shpenzimi për pagat.
6437 rrogëtarë, nga të cilët 1639 në aparatin e Bashkisë ndërsa të tjerët në institucionet mbështetëse. Përveç këtyre ka edhe 1894 punonjës në funksionet e pakushtëzuar sektorialë, duke e çuar totalin në 8322.
Për vitin 2023 është parashikuar rritje 15%.
Bashkia na kushton 56,213,980 euro ose 154 mijë euro çdo ditë për paga.
Veliaj po kërkon të blejë një mandat të tretë me paratë tuaja. Nga xhepi i tij nuk del asgjë.
Të nderuar banorë të Tiranës! Kemi përballë një makineri leku. Kjo betejë fitohet me koalicion qytetar. Të gjithë bashkë mund ta ndalojmë blerjen e votës me paratë e gjakut dhe djersës suaj.
Të bashkuar qytet dhe fshatra e #FitojmëTiranën
1 milion kundër 1